Böyüklərdə uzunmüddətli qızdırma

EBM Klinik protokolları
19.04.2018 • Sonuncu dəyişiklik 19.02.2018
Editors

Əsas məqamlar

Diaqnostik strategiya

  1. Sonrakı müayinələrdən əvvəl tez - tez rast gəlinən xəstəlikləri istisna edin:
    • Pnevmoniya (döş qəfəsinin rentgenoqrafiyası və auskultasiyası)
      • Döş qəfəsinin rentgenoqrafiyası həmçinin vərəm, sarkoidoz, alveolit, ağciyər infarktı və ya ağciyərlərdə yeni törəmələri göstərə bilər.
    • Sidik yolu infeksiyası (sidik analizi və kulturası)
      • Sidik analizi həmçinin epidemik nefropatiya, digər nefrit və ya böyrək şişini də düşündürə bilər. 
    • Əng sinusiti (USM və ya rentgenoqrafiya). 
  2. Anamnezində vacib suallara daxildir
    • Qızdırmanın ortaya çıxması (ölçülməsi) və davametmə müddəti 
    • Səyahət, doğulduğu yer (ölkə), yaşayışı
    • Əvvəlki xəstəliklər, xüsusilə vərəm və qapaq defektləri
    • Qorunmamış cinsi əlaqə, qanunsuz psixoaktiv maddələrin venadaxili istifadəsi
    • Əvvəlki aylarda stomatoloji müdaxilə
    • Yaxın qohumlarda revmatik xəstəliklər
    • Dərman müalicəsi, reseptsiz qəbul edilən dərmanlar daxil olmaqla
    • Alkoqol istifadəsi 
    • Siqaretçəkmə və binalarda nəm pozulmasına məruz qalma
    • Simptomlara görə orqan sistemlərinə sistemli baxış
      • Artralgiya, sızıltılı ağrı, qarın simptomları, boğaz və ya boyunda ağrı, yuxarı ətraflarda işemik simptomlar
  3. Klinik müayinə və tapıntılar
    • Böyümüş limfa düyünləri
    • Dişlərin vəziyyəti
    • Ürək küyləri
    • Ağciyər auskultasiyasında anormal tapıntılar
    • Ağrı və ya kütlə təyin etmək məqsədilə qarnın palpasiyası
    • Gövdə və ətraflarda dərinin vəziyyəti
  4. Diaqnostik ipucları və mümkün etiologiyalar
    • Cədvələ baxın. 
  5. Analizlər
    • İlkin müayinələr
      • Sidik analizi və kulturası
      • C-reaktiv zülal və EÇS
      • Qanın ümumi analizi + leykoformula
      • ALT və ALF
      • Boğaz nümunəsinin kulturası
      • İİV analizi
      • Bu fazada artıq antinuklear antitellər, revmatoid faktor və anti-CCP antitel analizi mümkündür
      • Seçim: zərdab nümunəsi mümkün seroloji analiz üçün dondurulmalıdır
      • EKQ
      • Döş qəfəsinin rentgenoqrafiyası
      • Əng cibinin USM və ya rentgenoqrafiyası 
    • İkincili müayinələr
      • Anamnez və simptomlara əsasən seçilmiş antitellər üçün analizlər
        • Məsələn, Yersiniya, tulyaremiya, Borrelia burgdorferi, epidemik nefropatiya, Karelian qızdırması, mononukleoz, hepatitlər (diaqnostikalar üçün baxın)
        • Əgər ilkin mərhələdə yoxlanmayıbsa antinuklear antitellər, revmatoid faktor və anti-CCP antitel analizi
      • Qalxanabənzər vəzinin funksional analizi
      • Qanın bakterial kulturası
      • Nəcis kulturası və ya nəcis patogenləri üçün nuklein turşusu analizi və nəcis kulturasının kombinasiyası
      • Qarnın ultrasəs müayinəsi
      • Sümük iliyi aspirasiyası
  6. Müayinələrə davam etməzdən öncə öz taktikanızı düşünün
    • Cədvələ baxın.
  7. Qızdırmanın nəzərinizdən qaça biləcək səbələrinin siyahısını araşdırın.
Böyüklərdə uzunmüddətli qızdırma - diaqnostik ipucları
İpucu Mümkün səbəblər1)
  1. Ulduzla göstərilmiş xəstəliklərin diaqnostikası gecikdirilməməlidir. 
İnfeksion parametrlər (EÇS, C-reaktiv zülal) normaldır Xronik yorğunluq sindromu, infeksion xəstəlikdən sonra temperaturun azacıq artması, dərman qızdırması, özü tərəfindən induksiya edilən qızdırma
Artıq müalicə olunmuş virus və bakterial infeksiya

İnfeksion xəstəlikdən sonra 1 - 2 aya qədər davam edən mülayim "vegetativ" temperatur yüksəlməsi funksional xəstəlikdir ("termostatik temperatur yüksəlməsi"). Termorequlyasiya sistemi yüksək temperatur tərəfindən müvəqqəti sıfırlanır və bədən temperaturu yüksək olaraq qalır. Stress və yorğunluq pozuntuya səbəb ola bilər.
Eritema Dərman qızdırması, vaskulit
Boğaz və boyun ağrısı Yarımkəskin tireoidit, retrofarinqeal abses*, mononukleoz
Bələdliliyin pozulması Yaşlı şəxslərdə bələdliliyin pozulması qızdırmanın özü ilə assosiasiya olunur, daha gənc xəstələrdə ensefalit* və hər hansı mümkün septik infeksiya*
Bilinən qulaqcıq defekti və ya küy düşündürən Endokardit*
Mədə - bağırsaq simptomları Kron xəstəliyi, xoralı kolit, soxulcanabənzər çıxıntıətrafı abses*, digər peritoneal abses*, yersinioz
Çəki itirilməsi və təkrari qızdırma Bədxassəli (şiş) xəstəliklər; İİV və digər xronik infeksiyalar
Anormal sidik tapıntıları SYİ (sidik yolları infeksiyası), epidemik nefrit*, digər nefritlər, böyrək xərçəngi, endokardit
Qayıdan səyahətçilərdə qızdırma Baxın. Həmişə malariyanın mümkünlüyünü düşünün.
Fermer Fermer ağciyəri*
İrinli həşərat sancması və ya xora Tulyaremiya
Palpasiyada limfa düyünləri hiss olunur Mononukleoz, limfoma
Psixotrop dərmanlar Bədxassəli neyroleptik sindrom*, serotonin sindromu*

Uzunmüddətli antibiotik dərman qəbulu

 Dərman qızdırması, Clostridium difficile 
İmmunosupressiyalı xəstə Baxın
Baş ağrısı Gicgah arteriti*
Mialgiya Polimialgiya revmatika (qızdırmanın özü ilə əlaqəli ola bilər)
Sümük ağrıları Mieloma, metastaz
Bel ağrısı Ankilozlaşdırıcı spondilit, bir neçə infeksiyalar
Toxunarkən bel ağrısı İnfeksion fokus
Təkrari qızdırma Endokardit, dərin infeksiya ocaqları* 
Tapıntılar və anamnez arasında uyğunsuzluq Özü tərəfindən induksiya edilən qızdırma
Uzunmüddətli qızdırmada diaqnostik taktika
Düzgün Səhv
Yenidən anamnez toplayın. Laborator və radioloji müayinələri təkrar etmək
Fizikal müayinəni təkrar edin (gözlər, burun - udlaq, per rectum toxunma, auskultasiya). Dərman terapiyasını başlamaq və ya dozanı yüksəltmək
Xəstə qeydlərini yenidən oxuyun.  Cərrahi müdaxilə təklif edin
Anamnez və klinik tapıntıların verdiyi ipuclarında əsasən sonrakı müayinələrdə diqqətinizi cəmləyin.  
Konsultasiya edin.  
Xəstəlik halı üzərində düşünmək üçün vaxt sərf edin.  
Tez - tez rast gəlinən xəstəliklərin atipik görünüşü nadir xətəliklərin tipik görünüşünə nisbətən daha çox mümkündür.

Uzunmüddətli qızdırmanın səbəbləri

Qeyri - müəyyən mənşəli qızdırma

 

Yuxarıya