Kəskin bakterial prostatit

Əsas məqamlar

• Adətən kəskin simptomlarla müşayiət olunan yüksək hərarətli xəstəlikdir. Prostat vəzi adətən palpasiya zamanı ağrılıdır.
• Kəskin bakterial prostatit halları çox vaxt prostatın biopsiyasından sonra qeydə alınır.

Simptomlar

• Sidiyə getmə tezliyinin artması, qarının aşağı nahiyyəsində yanma hissi = sidik yolları infeksiyasının simptomları
• Sidiyə getmədə çətinliklər, sidiyə getmədə ağrı
• Pasientdə çox vaxt yüksək hərarət olur və özünü pis hiss edir.

Differensial diaqnostika və müayinələr

• Sidik yollarının infeksiyası (piyelonefrit, urosepsis)
  • Həmişə C-RZ səviyyəsini yoxlayın (adətən yüksəlmiş olur) və sidiyin bakterial əkilməsini təmin edin.
  • Sidik nümunəsində adətən çoxlu miqdarda leykositlər, selik və bakteriyalar müəyyən edilir.
• Cinsi yolla keçən xəstəliklər (xlamidiya, qonorreya)
  • Əsasən nüvə turşusunun təyini testi ilə aşkarlanır
• Xronik bakterial prostatit; bax

Klinik və laborator tapıntılar

• Qarının aşağı hissəsində artmış hissiyatlılıq.
• Prostat vəzinin palpasiyasında ağrı hissi.

Müalicə

• Adətən sidik yollarının infeksiyasının müalicəsi üçün nəzərdə tutulmuş dozalarda per os ftorxinolon və ya sulfa-trimetoprim preparatı ilə müalicə kifayətdir. Bütün ftorxinolonlarla müqayisədə siprofloksasin və norfloksasin sidikdə daha yüksək konsentrasiyaların əldə edilməsinə imkan verir. Müalicə müddəti 4 həftədir.
• Əgər pasientdə hərarət və ağır dərəcəli simptomlar qeyd edilirsə, ilkin terapiya xəstəxanada venadaxili sefuroksim ilə 1 həftə ərzində aparılır və daha sonra 3 həftə ərzində per os dərmanla davam etdirilir.
• Prostatın masajı əksgöstərişdir.
• Suprapubik sistostomiya bəzən sidik kisəsinin boşaldılması üçün tələb oluna bilər. Uretral kateterizasiya etməyin.

Növbəti müayinələr

• Bax kişi pasientdə SYİ (sidik yollarının infeksiyası): .