Burma ağrısı

Əsaslar

• Burma ağrısı orta sağrı əzələsi və ya kiçik sağrı əzələsinin tendinopatiyası və ya cırılması, yaxud burma bursiti səbəbindən baş verə bilər.  Bu vəziyyət üçün müəyyənləşdirilmiş termin (BBAS) böyük burma ağrı sindromudur. 
• Burma ağrısı çox zaman qlikokortikoid inyeksiyası ilə yüngülləşir .

Etiologiya və simptomlar

• Tipik pasiyent orta yaşlı və ya ahıl bir qadındır. İfrat çəki meyl yaradan faktordur.
• Bud - çanaq oynağında ifrat çalışmaların, eləcə də mikrotavmaların diaqnostik əhəmiyyəti vardır. Həmçinin, ağrıya birbaşa zərbə ilə zədələnmə (yerə yıxılmaq) və ya uzanmış fiziki çalışma (məsələn, qaçmaq) da səbəb ola bilər.
• Bud - çanaq oynağı nahiyəsində burma sahəsində və budun bayır tərəfi üzərində olan ağrı həm proksimal, həm də distal istiqamətə radiasiya edə bilər.
• Yeriyərkən və fiziki gərginlik zamanı (məsələn, pillələri qalxmaq) ağrı
• Təsirə məruz qalmış tərəf üzərində yatdıqda ağrı

Diaqnoz

• Böyük burmanın palpasiyası həssaslıq sahəsini göstərir. Müayinə zamanı pasiyent bir tərəfi üzərində uzanır. 
• Adətən, bud - çanaq oynağının ifrat abduksiyası ağrılıdır. Eləcə də passiv ifrat abduksiya və müqavimət göstərilən xarici rotasiya ağrılıdır.
• Orta sağrı əzələsinin enteziti və ya cırılması bursitdən daha çox burma ağrısına səbəb ola bilər. Bud - çanaq oynağında müqavimət göstərilən daxili rotasiyada bud - çanaq oynağı nahiyəsinin bayır tərəfində ağrı hasil olur.
• Diferensial diaqnostikada beldən əks olunan ağrı, bud sinirinin irritasiyası və fibromialgiya nəzərdən keçirilməlidir. Bud nahiyəsində ağrıya parestetik meralgiya, qasıqda sinirin sıxılması da səbəb ola bilər. Lakin bu vəziyyətdə simptom burmadan distal tərəfdə yerləşmişdir. 

Müalicə

• Seçim müalicəsi qlikokortikoid və yerli anestetik preparatın ən ağrılı sahəyə (dərinlik və budun qalınlığından asılı olaraq 4 - 8 sm-lik iynə istifadə edin) inyeksiyasıdır.   
  • Qlikokortikoid 1 ml + 1%-li lidokain 1 - 2 ml
  • Sümüklə kontakta kimi iynəni daxil edin, sonra iynənin ucunu təxminən 5 mm geri çəkin.
  • Məhlulun yarısını ağrı sahəsinə yeridin, qalan hissəsini isə müxtəlif istiqamətlərə və dərinliklərə infiltrasiya edin. 
• Əgər ilk inyeksiya ağrını yüngülləşdirmirsə müalicə təqribən 3 - 4 həftədən sonra təkrar edilə bilər. 
• Mülahizəyə əsasən, müalicəvi bədən tərbiyəsi ilə dartılma və QSİƏD vasitəsi də müalicəyə daxil oluna bilər.   

Kong A, Van der Vliet A, Zadow S. MRI and US of gluteal tendinopathy in greater trochanteric pain syndrome. Eur Radiol 2007 Jul;17(7):1772-83. Bird PA, Oakley SP, Shnier R, Kirkham BW. Prospective evaluation of magnetic resonance imaging and physical examination findings in patients with greater trochanteric pain syndrome. Arthritis Rheum 2001 Sep;44(9):2138-45.