Böyüklərdə topuq və ayaqlarda ağrı

• Simptomun izlənildiyi yerə və rentgen şəkillərinə əsaslanaraq aşağıdakı narahatlıqlar asanlıqla aşkar edilir (bax):
  • Freyberq xəstəliyi 
  • xarici ayaqdarağı arxası  (xarici böyük baldır sümüyü)
  • yastı ayaqlılıq (yastı dabanlılıq).
• Böyük barmaqda əyrilik: bax

Ağrılı pəncə (ön metatarzalgiya)

• Köndələn qövsün aşağı düşməsinin, revmatoid artritin və ya ayaq darağı - barmaq sümüyü birləşmələrinin osteartritin səbəb olduğu ikinci və üçüncü ayaqdarağı başlıqlarının ağrılı vəziyyəti.
• Adətən orta yaşlı insanlarda və yaşlılarda, xüsusilə də yüksək dabanlı ayaqqabı geyinməyə adət etmiş qadınlarda rast gəlinir.
• Köndələn qövsün aşağı düşməsi böyük barmaqda əyrilik, çəkicəbənzər barmaq və Morton xəstəliyi üçün risk faktorudur. 
• Ayaqdarağı üçün nəzərdə tutulmuş lövhəcik ilə yük azaldıla bilər. Ciddi və uzun müddət davam edən, xüsusilə də revmatoid artritin səbəb olduğu simptomlar ayaqdarağı başlıqlarının çıxardılması ilə müalicə edilə bilər (Hibinet proseduru).

Ayaqdarağı sümüklərinin yorğunluq sınığı

• Uzunmüddətli qeyri-adi stress nəticəsində yaranır və hərbi xidmətdə olanlar üçün səciyyəvidir. Bax .
• İlk olaraq sınıq rentgen müayinəsi zamanı görünməyə bilər, lakin MRT zamanı aşkar edilir. Rentgenoloji  simptomlar peyda olduqdan üç həftə sonra meydana gəlir. Müalicə zədələnmiş ayaq üzərində gərginliyin müvəqqəti azaldılmasından ibarətdir.

Morton xəstəliyi

•  Barmaqlararası hissədə, ən çox da üçüncü və dördüncü ayaqdarağı başlıqlarında neyroma
• Dar ayaqqabı geyindikdə və pəncənin yan tərəflərinə əl ilə basdıqda ağrı artır.
• Orta yaşlı qadınlarda bu hala daha çox rast gəlinir.
• Müalicə köndələn qövsü saxlamaq üçün içərisində ayaq darağı lövhəciyi olan ayaqqabı geyinməkdən ibarətdir. Əgər simptomlar hələ də mövcuddursa, yerli steroid anestetik inyeksiyalardan istifadə etmək olar. Ayaqqabılar kifayət qədər geniş və alçaq dabanlı olmalıdır. Neyromanın cərrahi yolla aradan qaldırılması da nəzərdə tutula bilər. Barmaqlararası hissədə hissiyyatın azalması cərrahi müdaxilənin qaçılmaz əks təsiridir.

Stenozlaşdırıcı ateroskleroz

• Distal arterial tıxanma ayağın altında keyləşməyə və ya yeriyərkən ağrıya səbəb ola bilər.

Ayaq altının fassiopatiyası

• Bax .