Qulaqcıqların səyirməsindən sonra, qulaqcıq titrəməsi ürək aritmiyasının ən geniş yayılmış və ən mühüm növüdur.
Tipik qulaqcıq titrəməsinin müntəzəm mişarabənzər titrəmə dalğaları (F dalğaları) EKQ-də II, III, və aVF aparmalarda müşahidə edilə bilər (şəkil). Qulaqcıqların vurma sürəti dəqiqədə 240-350 vurğuya çatır.
Anti-aritmik dərmanlarının effektli olmadığı sübut olunub. Bəzi hallarda hətta təhlükəli ola bilər. Buna görə də kateter ablasiya tipik qulaqcıq titrəməsinin profilaktik müalicəsində anti-arikmik dərmanları əvəz edib.
Flekainid qulaqcıq səyirməsinin müalicəsində geniş istifadə edilir. Lakin proaritmiya (1:1 keçiricilik) riskinə görə qulaqcıq titrəməsində istifadə edilməməlidir.
Patogen mexanizm
Qulaqcıq səyirməsi kimi qulaqcıq titrəməsinə də anormal ürək ritmi səbəb olur. Lakin qulaqcıq fibrilyasiyasından fərqli olaraq nizamlı olur. (EKQ-də titrəmə dalğaları).
.Xəstəxana mühitində ibutilidlə farmakoloji kardioversiyaya cəhd edilə bilər.
Bu qulaqcıq səyirməsindən çox qulaqcıq titrəməsində daha effektlidir və əgər qulaqcıq titrəməsinin müddəti 30 gündən azdırsa, bu, halların 60 faizində sinus ritmini 1 saatdan da az bir vaxtda bərpa edəcək.
Proaritmiyanın (torsades de pointes) baş verməsinin qarşısını almaq üçün dərmanın verilməsindən öncə əmin olmaq lazımdır ki, xəstənin kalium zərdabı 4.0 mmol/l-dan çoxdur və QT intervalı uzanmayıb.
Sinus ritminin bərpasından dərhal sonra dərmanın verilməsi dayandırılır.
Kardioversiya ilə əlaqədar antikoaqulyasiya qulaqcıq səyirməsindəki kimi eyni prinsiplərə uyğun şəkildə həyata keçirilir.
IC sinfi anti-aritmik dərmanların (flekainid, propafenon) istifadəsi zəif təsiri və proaritmiya (hər bir qulaqcıq impulsunun mədəciklərə ötürüldüyü 1:1 keçiricilik). riskinə görə qulaqcıq titrəməsində kardioversiya üçün məsləhət görülmür.
Vernakalant qulaqcıq titrəməsi üçün effektli deyil.
Profilaktik müalicə
Qulaqcıq titrəməsində anti-aritmik dərmanların təsiri zəif olur və onların istifadəsi mənfi təsirlərə malikdir.
Mədəciyin vurma tezliyinin optimallaşdırılması çətindir. Çünki qulaqcıq titrəməsində ürəyin vurma tezliyi adətən AV keçiricilikdəki dəyişmələr səbəbilə kəskin dəyişmələrə məruz qalır. Məsələn, 2:1 keçiricilik 3:1 keçiriciliyə və ya əksinə dəyişə bilər.
Beləliklə, tipik qulaqcıq titrəməsinin qarşısını almaq üçün standart terapiyaya, titrəməyə səbəb olan aritmik həlqəni birdəfəlik yox etmək üçün xüsusi kateter vasitəsilə radiotezlikli elektrik enerjisinin ürəyə yönləndiyi kateter ablasiya aiddir.
Kateter ablasiya demək olar ki, bütün tipik qulaqcıq titrəməsi hallarında işə yarıyır. Prosedurdan sonra aritmiya nadir hallarda yenidən baş verir (< 10%).
Yaşlılarda ürək qüsurları və xroniki qulaqcıq titrəməsi üçün kateter ablasiya məsləhət görülmür.
Anti-aritmik dərmanların (məs., flekainid və ya amiodaron) qulaqcıq səyirməsini qulaqcıq titrəməsinə çevirdiyi hallarda istmus ablasiyası da adətən işə yarayır.
Əgər xəstədə həm qulaqcıq səyirməsi, həm də qulaqcıq titrəməsi varsa, ablasiya terapiyasının zəruriliyi cədvəlin yardımı ilə qiymətləndirilə bilər.