Ağızda pis qoxu
EBM Klinik protokolları
27.04.2018 • Sonuncu dəyişiklik 01.03.2017
Editors
Əsas məqamlar
- Ağız gigyenasına etinasız yanaşma ağızda pis qoxunun ən vacib səbəbidir. Ən azından 80% hallarda səbəbin ağızda olması müşahidə edilmişdir. Əsasən bakteriyaların yaratdığı uçucu kükürd birləşmələri qoxuya səbəb olur.
- Qoxu bilmə duyğusu hətta güclü qoxuya belə tez uyğunlaşdığından, çox hallarda xəstə problemdən bixəbər olur.
- Səhər yuxudan oyanarkən ağızda keçici pis qoxu təbii haldır. Ağız ilə tənəffüs qoxunu pisləşdirir.
- Ağızda pis qoxu ciddi sosial pozuntuya, sosial vəziyyət qarşısında qorxuya və sosial cəmiyyətdən uzaqlaşmaya səbəb ola bilər.
- Əgər xüsusi müalicə tələb edən hal aşkarlanmazsa, ağızda pis qoxunun idarə edilməsi ağız gigiyenasına ciddi riayət etməyə, tüpürcək ifrazının stimulyasiyasına və təravətləndirici ağız yaxalayıcı və ya qarqara edici vasitələrin istifadəsinə əsaslanır.
Ağızda pis qoxunun səbəbləri
- Ağız gigiyenasının pis olması, dişdə kariyes, paradontoz və protezlərin yuyulmasında çətinlik.
- Tüpürcəyin azalması və ağızın quruması
- Pis qoxuyan ərzaqlar, dərmanlar və stimulyatorlar və onların parçalanma məhsulları
- İnfeksiyalara qarşı reaksiyalar
- Badamcıqların infeksiyası, adenoidlər və ya dil badamcıqları
- Badamcıqlarda ərp: badamcıqların vəzi boşluğunda ağımtıl və ya sarımtıl rəngdə, pis iylənən kütlə toplanır və vəzi toxumasına təzyiq olunduqda axır.
- Selik və çirkin udlaq arxasında və ya burun-udlaqda yerləşməsi, adenoidlər (xüsusilə də uşaqlarda ağızla nəfəs almaya səbəb olur), haymorit
- Burun infeksiyaları, şişlər, qabıqlanma, yad cismlər, ağızla nəfəs almanı artıran səbəblər
- Burunda quruluq və ozena
- Qida borusunda çıxıntıların əmələ gəlməsi, axalaziya. refluks xəstəliyi
- Bronxit, bronxoektaziya, ağciyər empiyeması
- Bəzi sistemli xəstəliklər
- Əgər kənar şəxs xəstənin ağzında pis qoxu olması barədə məlumat verməzsə, xəstədə dadbilmə qabiliyyətinin itməsi və ya dadbilmədə qarabasma müşahidə edilə bilər.