Yetkin şəxslərdə ziyansız ürək küyü

• Uşaqlarda ürəkdə küy mövzusu ilə bağlı nəzər yetirin.

Əsasları

• Ziyansız küyə daxildir
  • fizioloji mənşəli küy
  • hemodinamik cəhətdən əhəmiyyətsiz sayılan ürək defektlərindən qaynaqlanan təsadüfi küy
• Sürətlənmiş qan axınının səbəb olduğu ziyansız küy, yetkinlik yaşına çatmış cavan şəxslər arasında geniş yayılmış bir haldır.
• Qızdırma, anemiya, taxikardiya və döş qəfəsinin divarının nazik və ya hamar olması axın səsini intensivləşdirə bilər. Bu səslər də qapaq xəstəliyində müşahidə edilən küylərə bənzəyə bilər.
• Küylərin ziyansız təbiətə malik olması, aşağıda qeyd edilən əlamətlərlə təyin edilir:
  • qısa erkən sistolik və ya orta sistolik küy, 1 - 2 dərəcə
  • maksimal intensivlik nöqtəsi döş sümüyünün yanında sol tərəfdə qeydə alınır
  • ağciyər qapağının auskultasiya bölgəsində sistolik ejeksiya küyü 
  • normal S2 (daimi olaraq bölünmür)
  • auskultasiya zamanı digər anormallıqlara rəst gəlinmir
  • fiziki fəaliyyət statusunun yaxşı vəziyyətdə olması, normal EKQ və döş qəfəsinin rentgenoqramı
• Küy, xəstə lazımi müayinələrdən keçənə qədər ziyansız olaraq qəbul edilməməlidir.
  • Lazım gəldikdə diaqnozu təsdiqləmək məqsədilə exokardioqrafiya həyata keçirilməlidir.
• Diastolik küy, hər zaman təbii anormallıqlardan qaynaqlanır və onlar hemodinamik cəhətdən əhəmiyyətsiz sayılır.

Pulmonar ejeksiya (boşalma, təxliyə) küyü

• Ən geniş təsadüf edilən ziyansız küy
• İkinci və ya üçüncü interkostal boşluqda eşidilir
• Küyün intensivliyi adətən 1-2/6 dərəcədə olur
• Erkən sistolada eşidilir
• Ağciyər qapağının bağlanması gecikmir və ürək səsinin bölünməsi nəfəsalma zamanı artır. Heç bir ejeksion klik səsi eşidilmir.
• Exokardioqrafiyaya adətən ehtiyac duyulmur.

Aorta ejeksiyası (boşalma, təxliyə) küyü

• Aortadan qaynaqlanan axın səsi, ağciyərin axın küyü ilə oxşarlıq təşkil edir
  • Yetkinlik yaşına çatmış cavan şəxslərdə
  • Aorta qapağı bölgəsində eşidilir
  • Vuruş həcmi xüsusilə yüksək olduqda gərgin məşqlərdən sonra daha çox nəzərə çarpır.
• Aorta qapağının eroziyaya uğraması ilə əlaqəli bir küy
  • Yaşlı şəxslərdə
  • Aorta stenozu küyü ilə oxşarlıq təşkil edir (ejeksiya kliki eşidilə bilər)
  • Əhəmiyyətli aorta stenozu və ya stenoza işarə edən digər əlamətlər mövcud olmur
  • Diferensial diaqnostikada adətən exokardioqram həyata keçirilir.

Stil küyü

• Uşaq yaşlarında müşahidə edilən zərərsiz küylər, yeniyetməlik dövründə  hələ də eşidilə bilir.
• Orta sistolada eşidilir, musiqili (vibrasiyalı) keyfiyyətə malik olur, intensivliyi adətən 2/6 olur.
• Sol interkostal boşluqda parasternal olaraq 3-cü və ya 4-cü dərəcədə eşidilir, səciyyəvi olaraq xəstə oturaq vəziyyətdə olduqda daha yaxşı eşidilir.

Venoz küy

• Uşaqlarda və yeniyetmə yaşına çatmış cavan şəxslərdə
• Davamlı küy olaraq boyun və supraklavikulyar fossada, xüsusilə sağ tərəfdə eşidilir.
• Daxili yuqulyar venaya təzyiq tətbiq etdikdə və ya xəstə uzanmış vəziyyətdə olduqda yox olur. Nəfəsalma zamanı daha ucadan eşidilir.