Vaxtından əvvəl doğuş təhlükəsi

Doğuş başlanmaq üzrədir?

• Aşağıdakı əlamətlərdən nə qədər çoxu müəyyənləşdirilərsə vaxtından əvvəl doğuşun ehtimalı bir o qədər artır (1-3-cü əlamətləri müəyyənləşdirmək ən asandır və onlar birgə qeyd edildikdə çox zaman faktiki vaxtından əvvəl doğuşun başlanmasını göstərir):
  1. arasında 10 dəqiqədən az müddət olmaqla uşaqlığın müntəzəm, ağrılı yığılmaları 
  2. uşaqlıq yığılmaları bir saatdan çox davam etməsi
  3. qan və selik qarışıq axıntı 
  4. uşaqlıq boynu qısalmış və ya hamarlaşmış, dölün gələn hissəsi onurğaya dirənən mərhələyə kimi və ya daha aşağı enməsi "?>
  5. döl gişalarının qabarması müşahidə olunur.
  6. uşaqlıq boynu yoxa çıxıb
  7. uşaqlığın xarici dəliyi bir barmaq açıqdır.
  8. qan və selik qarışığının axıntısı qeyd edilir. "?>
• Uşaqlıq boynunun yetişməsi modifikasiya edilmiş Bişop balını istifadə etməklə qiymətləndirilə bilər; baxın. 
• Normal hamiləlik ərzində qeyri-müntəzəm və zəif uşaqlıq yığılmaları çox qeyd edilir.
• Əgər doğuş inkişaf etmirsə uşaqlıq boynunun vəziyyəti hamiləliyin 34-cü həftəsinə kimi hər həftə-üç həftədən bir antenatal klinikada təqib edilir. 
• Hamiləliyin müddəti ən azından 34 həftə olduqda vaxtından əvvəl doğuşun inhibə edilməsinə adətən ehtiyac yoxdur  (tam müddətli hamiləlik üçün limit 37 həftədir).

Vaxtından əvvəl doğuşun təxirə salınması 

• Nifedipin :ümumi 40 mq olmaqla hər 15 dəqiqədən bir 10 mq-lıq tabletin çeynənməsi 
  • Əgər nifedepin mövcud deyilsə 5-10 mq nitroqliserin plastrları.
• Xəstəxana şəraitində oksitosinin antaqonisti olan atosiban preparatının venadaxili təyini nəzərdən keçirilə bilər.
• Nə beta simpatomimetiklərin, nə də atosibanın  hamiləliyin davam edilməsində faydası sübut olunmayıb. Beta simpatomimetiklər xoşagəlməz təsirlərə görə daha tövsiyə edilmir. 
• Tokolitik terapiyanın məqsədi dölün ağciyərlərinin yetkinləşməsinə (maturasiyasına) təsir etməyə görə qlikokortikoid terapiyasına daha çox zaman vermək üçün doğuşu bir-iki gün təxirə salmaqdır. 
• Xəstəxanada mama-həkimlə bu müalicənin başlanılması barədə konsultasiya edin. 

Qeyri-yetkin döl ağciyərlərinin qlikokortikoidlərlə müalicəsi 

• Döl ağciyərlərində surfaktantın sintezini artırmaq üçün hamiləliyin 24-34-cü həftələrində anaya kortikosteroidlər təyin edilməlidir. Lazım olduqda müalicə artıq 22-ci həftədə başlanıla bilər.
  • 12 mq betametazon  əzələdaxili inyeksiya edilir və bu doza 24 saatdan sonra təkrar edilir. Hətta hamiləlik davam etikdə belə bu müalicənin heç bir riski yoxdur. Mama-həkimlə bu müalicə ilə bağlı konsultasiya edilməlidir. 
    • Betametazon mövcud olmadıqda deksametazon 6 mq gündə dörd dəfə daxilə verilə bilər.
• Dölün ağciyərlərinə yetknləşdirici effekt 1-4 gün ərzində əldə edilir.

Xəstəxanaya daşınma

• Ana xəstəxanaya xüsusilə döl gişaları cırıldıqda və göbək ciyəsinin protruziyasının riski varsa lateral uzanma vəziyyətində daşınır.

Vaxtından əvvəl dölyanısuyun axması 

• Uşaqlıq yığılmalarının başlanmasından ən azı 2 saat öncə cırılma baş verdikdə tam müddətli hamiləlikdə (> 37 həftə) gişaların cırılması və bunun ardınca suyun axması vaxtından əvvəl ola bilər.
• gişaların  vaxtından əvvəl cırılması infeksiya səbəbindən ola və ya infeksiyaya gətirib çıxara bildiyi üçün həm ana üçün, həm də döl üçün bir risk faktorunu təmsil edir.  
• Tam müddətli hamiləlikdə doğuş 80% hallarda döl gişalarının vaxtından əvvəl cırılmasından sonrakı 48 saatın ərzində başlanır. Əks təqdirdə doğuş induksiya edilməlidir.  
• Əgər gişaların vaxtından əvvəl cırılması hamiləliyin 32-34-cü həftələrində baş verirsə, bu qorxuludur. Belə halda dölün ağciyərlərinin yetkinləşməsini sürətləndirmək üçün anaya mütləq qlikokortikoidlər verilir və infeksiyanın mümkün yaranması yaxından monitorinq edilir.   "?> 
• Əgər cırılma hamiləliyin 37-ci həftəsindən əvvəl baş veririsə geniş spektrli antimikrob dərman vasitəsi uşaq və anada infeksiyaları azalda bilər.

Müvafiq resurslar

• Koxran icmalları 
• Digər sübutların xülasələri