Dirsək oynağının çıxığı

Əsas məqamlar

• Said adətən arxaya yerini dəyişir. 
• Yuxarı ətraf deformasiyalaşıb, ağrı və hərəkətlərin məhdudlaşması qeyd olunur. 

Reduksiya (repozisiya, çıxığın yerinə salınması) 

• Adətən anesteziya olmadan konservativ yolla repozisiya uğurludur.
• Bir şəxsin bazunu hər iki əli ilə, digər şəxsin isə saidi hər iki əli ilə (antekubital sahə yaxınlığında və biləkdən) tutması ilə said dartılır. Şəklə baxın .
• Əvvəlcə said istiqamətində, sonra dirsək oynağını xəfifcə açaraq dartın.
• Dartmanın sonunda biləkdən tutan əlinizlə dirsək oynağından bükün, bu zaman digər əlinizlə saidi dirsəkdən bilək istiqamətinə itələyin. Köməkçi şəxs dartma ərzində bazunu sabit vəziyyətdə saxlayır.
• Repozisiyadan sonra stabillik oynaqda bükülmə-açılma ilə yoxlanılır. Yəni, bükülmənin hansı dərəcəsində pasiyentdə çıxığın yenidən yarana biləcəyi hissinin olması müəyyənləşdirilir. 
  • Müalicə variantlarının nəzərə alınması üçün kritik bucaq 60°-dir (şəkil ).
• Dirsək oynağında krepitasiyanın hiss edilməsi mümkün sınığın əlamətidir və bu zaman reduksiyaya cəhd dayandırılır. 

Daha sonrakı müalicə 

• Sınıq olmamasını və oynağın yerində olmasını rentgen müayinə ilə təsdiqləyin.
• Əgər oynaq repozisiyadan sonra tam bükülmədən 60° bucaq altında bükülmə hərəkətlərinə imkan verən qədər stabildirsə (şəkil ), müalicə konservativ yolla aparılır. Əgər oynaqda daha böyük bükülmə bucağında artıq yenidən çıxıq qeyd edilirsə, cərrahi vətər rekonstruksiya müdaxiləsi nəzərdən keçirilməlidir.  
• Bucaq altında şina (90°; baxın ) bir həftə müddətinə qoyulur. Bundan sonra yuxarı ətrafda stabil diapazonda (yəni, dirsək oynağının  tam bükülmə vəziyyətindən repozisiya zamanı müşahidə edilən qeyri-dislokasiya olunmuş vəziyyətinə kimi olmaqla) nəzarətli şəkildə hərəkətlər edilir. 
  • Passiv fiziki çalışmalardan və xüsusilə manual terapiya tipli təmrinlərdən mütləq surətdə qaçınılmalıdır.
• Stabil oynaqda hərəkətlərə ilk dövrdən başlana bilər; lakin tam açılma hərəkətlərindən qaçınılmalıdır. 
• Hərəkət çalışmaları arasındakı dövrlərdə 3 həftə ərzində qoruyucu şina geyinilir.
• Rentgen müayinəsi ilə nəzarət 1, 3 həftədən sonra və təkrar çıxıqa şübhə olan hər bir halda tövsiyə edilir. 

Müvafiq resurslar 

• Ədəbiyyat