Sterilizasiya
EBM Klinik protokolları
22.01.2018 • Sonuncu dəyişiklik 22.01.2018
AnneliKivijärvi
Əsas məqamlar
- Sterilizasiya effektli, daimi kontrasepsiya metodudur."?>
- Sterilizasiya effektli və yaxşı kontrasepsiya üsuludur – bütün dünyada daha övlad sahibi olmaq istəməyən şəxslər üçün – digər metodlarla müqayisədə daha çox istifadə edilir.
- Qadın və kişi sterilizasiyası üçün Perl indeksləri müvafiq olaraq təxminən 0,1–0,4 və 0,15 təşkil edir.
- Heç kim sterilizasiya aparılmasına təhrik edilməməlidir, və pasiyent tərəddüd etdiyi təqdirdə, son qərar qəbul etməsinə qədər onun sterilizasiya proseduruna getməsi üçün göndəriş verilmir.
- Yerli praktika və qanunvericilik aspektlərini nəzərə alın.
- Sterilizasiya hallarının sayı əsas etibarilə hormonal UDC-lərin yaxşı effekti və tolerə edilməsi hesabına azalmışdır.
- Finlandiyada, bütün sterilizasiyaların yarısı (2015-ci ildə 49,7%), Danimarka və Norveçdə yarıdan çoxu kişilərdə həyata keçirilir. Qadın və kişilərdə aparılmış sterilizasiya prosedurlarının payına görə ölkədən-ölkəyə xeyli fərqlər müşahidə edilir.
Qadınların sterilizasiyası
- Qadınların sterilizasiyası əksərən laparoskopik, gündüz cərrahi proseduru olaraq həyata keçirilir. Xəstəlik vərəqi 3–5 gün müddətinə verilir.
- Klipslər laparoskopik yolla uşaqlığın dibindən 3 sm məsafədə hər uşaqlıq borusuna yerləşdirilir. Uşaqlıq boruları həmçinin cərrahi yolla kəsilərək, liqasiya oluna bilər.
- Metal mikroimplant vasitəsilə histeroskopik sterilizasiya digər bir variantdır."?>
- Sterilizasiya cinsi və ya hormonal funksiyalara təsir göstərmir.
- Ağırlaşmalar nadir rast gəlinir: anesteziya ağırlaşmaları meydana çıxa bilər; klips yerindən qoparsa, hamiləlik baş verə bilər.
Kişilərin sterilizasiyası
- Kişilərdə vazektomiya ambulator prosedur olaraq yerli anesteziya altında həyata keçirilir.
- Skalpelsiz bir metod təqdim edilmişdir ki, bu zaman dəri iti-uclu pinsetlə punksiya olunur, və toxumdaşıyıcı axacaq həlqəşəkilli maşa ilə xaricə dartılıb çıxarılaraq, kəsilir.
- Toxum kanalcıqları və ya xaya artımında spermatogen qranuloma (adətən < 0,5 sm) təhlükəsiz bir ağırlaşmadır. İnfeksiyalar son dərəcə nadirdir.
- Prosedurdan sonra 3 ay ərzində, 10 eyakulyasiya baş verməsinə və prosedurdan 3 ay sonra götürülmüş nümunədə canlı spermatozoidlər aşkar edilməyənə qədər kontrasepsiyanın digər vasitələri istifadə edilməlidir.
- Kişilərin sterilizasiyası hormonal və ya cinsi funksiyalar və ya eyakulyasiyaya təsir göstərmir.